تخاريف
دماغي بتلف هات. وخد.
حياتى كلها نزلة برد......
أسأل روحي ماالاقي رد.
فين الهزل. وفين الجد.
راح الحب وراح الود..
كل ماأبني حد يهد.
يا١٠٠خسارة دبل الورد.
راحوا الأحبة ماباقي حد.
وبقيت خلاص من غير سند.
سهران ياليل ومش عارف أتخمد.
أعد النجوم. أتلخبط فى العدد.
على كده كل يوم. أنام والدموع ع الخد.
ناس بتموت. وناس بتتولد..
وف عز الصيف أشعر بالبرد.
مابقيتش أفرق بين الهزار والجد.
وكل ماأود. ألاقي ١٠٠سد.
وزكام ورشح وحيلي اتهد.
واسأل ماألاقي رد...
مافيش علاج للبرد؟
الكاتب
فوزي سليم .
24/4/2025
ليست هناك تعليقات:
إرسال تعليق