ثلاثيات مغترب
عشق الوطن
عشقي إلك يا وطن ما هو لعب عن جد
عشقي إلك يا وطن ورثته أبا عن جد
عشقي إلك يا وطن باقي لولد الولد
حبي إلك يا وطن حب العتم للنور
حبي إلك ياوطن فيه القلب معمور
حبي إلك يا وطن كتاب بعشق مسطور
يا ريت لي يا وطن بأرضك ولو خيمة
يا ريت لي يا وطن لو بالسما غيمة
الله من هالوطن شو صار عتيمة
باكر أنا يا وطن برجع ﻷرض الشام
باكر أنا يا وطن بحضن الوطن رح نام
غربة أنا يا وطن محكوم باﻹعدام
إن كان لي يا وطن عمري بعد يومين
يوم أصلي أنا وأدعي بهاليومين
يا رب تحفظ هلي من الشر و الحاسدين
وأخير أنا يا وطن واحد مثل هالناس
مالت علينا الأمم وشربنا مر الكاس
يا رب تفرج علينا من شر كل الناس
إدعو معي يا أهل إدعوا ولو مرة
عاشت شعوب العرب عالحلوة والمرة
يا رب يا ذا العرش تفرجها بالمرة
الكاتب
وليد موسى الشريف
19/10/2024
ليست هناك تعليقات:
إرسال تعليق