صاحبي الجدع
قولي ياصاحبي....
ليه الدنيا وخداك مني...
كل ماقرب تبعد عني....
دحنا اصحاب من واحنا بنحبي.....
مش بس اصحاب...
دحنا كنا اعز احباب....
ليه اتقغلت بينا الابواب....
كنا دايمن قريبين من بعض ومش سالين.....
فى حاجه تبعدنا.. ليه تايهين...
قولي ياصاحبي امك مين وامي منين.....
كل الناس كانوا فاكرين
اننا اخوات....
وسعات....
كانوا بيغلطوا في
اسامينا....
وبيحسدونا....
مكنش فارق غير اننا نكون اصحاب....
واكتر من احباب....
اللقمه كان ليها طعم
وانت معايا لما بنقسمها
والهدمه كانت تلف علينا بالدور ونرجع نلبسها
كان لما واحد فينا
يقول ااااه يجري التاني
عليه بلهفه وخوف ياولداه
كنا اصحاب.....
لاء احباب.....
كنا قرايب....
فينك ياصاحبي وفين ايامك ولياليك
تعالا نرجع صحبتنا
اشكيلك همي مستنيك
دا الصاحب الجدع
هو اللي يسمع لك ويخفف عنك حملك ويواسيك
الصاحب الجدع هو اللي لما تميل يعدلك
ولما تقع يسندك
ويمد لك ايده وميفكرش
يأذيك
الصاحب الجدع وقت الشدة تلاقيه
فاتح لك قلبه ويقطع من قوته ويديك
طالت الغيبه ياصاحبي فين أراضيك
وحشتني قعدة الصفاء والفضفضه
قولي فين آلاقيك
الكاتبة
حسنة محمد.
7/5/2024
ليست هناك تعليقات:
إرسال تعليق