جرح الأقارب//الكاتبة ابتسام فندي

 خاص بالمسابقة..⚘️جُرح الأقارب مُرّ مهما هان هو ألم بقلب الفرح..

 هو خوف من جوفٍ الأمان 

هو سلام خِلق بالروح. والروح اهتزّت تسأل زمانها شو غيّر الأحوال.. 

كل الظروف بتتبدّل ممكن ..

كل حسابات الحياة تتغير ممكن ..

كل العواصف واردة بهيدي الدني ....

لكن جُرح الأهل عمره ما إلو عنوان ..

بتنسى بتتناسى بترجع بترضى وبتقسى..

موج البحر يتقاسمك عالشكّ عم بتعيش وعالشطّ بتعود بتهدا .

بعض الحروف بتبوح وبعضها بتروح

وبعضها ساكن بقلب شرخ بالروح صعب الشرخ.. بالحكي يشفى

بلحظات منسامح ولحظات منهدا ..

ولووو شو فيها الدني لازم ننسى..

ليش لنقسى

 لأن الصعب صخب بياخدك وبقدر الحب بداخلك بيكون الجرح أقسى..

صعب من قلب التعلّق تبعدني ..

صعب من قلب الحُبّ تغدرني..

صعب من قلب إحساسي بك تخذلني..

صعب التخلّي بعد التجلّي صعب نتقبّل الفكرة ممكن لو حبيتهم بشكل أبسط ممكن لووو شفت الدني بعيوني مش بعيونهم كان الجرح أسهل ..

ممكن وممكن لكن كيف أشوف بعيوني

 وخلقت تحسست القلب والعين كانوا لهم أكثر

 فكرة حياة تشكلّت منهم وفيهم رأي وفكري والعقل كانوا لهم أكثر ... 

هيك الجرح أكبر 

هيك الفكر عالق بيتحسّر 

هيك وعيت تاري الوعي كان حبهم لا بعد ولا أكتر ... لما الزمان يميل؛ يتغيير الميزان وتتقلّب الأحوال وقلب المُحبّ بمطرحه زعلان يسأل ويسأل معقول انا غلطان ؟!

معقول يصير الدوا علقم 

أعود للقرآن القى وصايا خالقي بجرحي 

أتناسى الجرح والجرح عم يكبر ..

هيهات يصير الملح سكّر لكن وصايا الرب تلغي القواعد كلها وعلى قلبي بتتربّع ببقى لنفسي حقها وهو عند على من يجبر ويسليك همّ البشر ويزيدك عوض من رحمته أكثر وأكثر...

             Ibtsam Fandi