ألقدس ياعرب
بقلم:محمدأبوالحسن
***********
القضية هيَّ هيَّ
من سنين متعلّقة
والمَعالي والمَلالي
محبوسين في
شَرْنَقة
مُش شاغِلهم غير
دِيوانهم بالدِراع
والسَّفْلَقة
وازاي يحافظوا على
مكانهم لوبحبل
المشنقة
حتى على حساب
شعوبهم ومن وراهم
نُخْبة فاسدة ملَزَّقة
والكراسي محجوزة
لهم ولعيالهم دنيا
ظالمة مغَفْلَقة
لاتقوللي وطنية
ولاقومية
وطنية ماتت من زمان
وكل دا أصبح كلام
للترَّيقة
والشعوب هنا طيبة
ومُغيّبة
ومشغولين بالهيافة
والرغيف والمعلقة
والحكام عرفت آخرهم
خوفتهم شتتهم
وبعينيها مبحلقة
والقضية هي هي
والحلول في المحرقة
إصحُوا ياعرب مالكم
كده متكتفين
لوواحد فيكوا بينضرب
أخوه يهيص ويقول
آجين
خلاص النخوة ماتت
والعارغطى على الجبين
مش شايفين الكوارث
اللي انتو فيها غرقانين
لالينا وزن ولا كرامة
ولا عارفين على فين
رايحين
ماتتمسحوش
في تاريخ جدودكم
دُول كانوا أمرا
ومنصورين
كان عندهم عزة وكرامة
ونخوة تملا العين
ورَّثونا مجد وحضارة
قولولنا راحت فين
إصحُوا ياعرب وانفضوا
غُبار السنين
واتجمعواعلى رأي واحد
في حاجة تخزي العين
بلادنا بتضيع حتة حتة
واحنا ولاحاسين
واللي في إدينا النهارده
بكره مُش عارفين
هيبقى فين
إلزمن مابيرحمش
وأعدائنا مستنيين
تخرب بلادنا بإيدنا
وتضيع ليوم الدين
ياحكام العرب يامكبرين
إلوطن أمانة والشعوب
أمانة
ياتكونوا قدها ياتروّحوا
ومتشكرين
ياتخليكوا لازقين في
الكراسي
وتموتوا كلكوا خاينين
القضية هي هي
واحنا كلنا ميتين
محمدابوالحسن
ليست هناك تعليقات:
إرسال تعليق