أهي دنيا
و مين فينا يا أخواتي
على حاله
و من حاله بقى راضي
تعبنا في دنيا غداره
بياعه و لا تسوى
خدتنا رحلة وراء رحلة
تعشمنا و تخدعنا
و ترجع تاني تبكينا
و في لحظة الروح دفناها
في توهة وسط أمواجها
لا شفنا الفرح في وعودها
ولا رضينا بتجريحها
و ادينا بنجري في دروبها
و رغم جروحنا و عذابها
بنصبر و نعدي أيامها
يا صبر الصبر مررها
و بكاني و سهرها
شافتني العايق الرايق
و قالتلي يا واد مالك فايق
و لمحت فرحة مدفونة
صابتها بعين الملعونة
و من يومها
بلوم نفسي و ألومها
و أتمنى يا ناس تاني أشوفها
بعد ما تاهت في بحورها
الكاتبة
تهاني بركات
25/9/2023
ليست هناك تعليقات:
إرسال تعليق