رهان دراويش
الحكاية في البداية
كانت رهان دراويش
مين هايقدر يخبي جرحه
للنهاية و يقدر يعيش
مين هيرفع فينا راية
و يقول نسيت و مهمنيش
توبنا في الأصل واحد
و قلب واحد
بس الحكاوي على ترابك
ما بتنتهيش
كل واحد فينا صامد
عل المتاعب و المصاعب
لجل عيونك الطيبين
كل واحد غطى حلمه
و فرد ضلوعه يحمي أرضه
واخد ولاده جوه حضنه
يشربوا وياه في عرقه
لملموا من الصبر لقمة
جوه البطون راضية و ساكتة
جوه توبك باتوا مستورين
كل واحد بيجري بعزمه
لجل ما يحقق فيكي أمله
و رغم كل المُر مَر
و عدى بيكي ألف سور
و إن رضيتي في يوم بكسره
يفضل هواكي رغم وجعه
هو الأمان للمجروحين.
الكاتبة
تهاني بركات
26.8.2023
ليست هناك تعليقات:
إرسال تعليق