روحي يانسمة عند حبيبي
قوليله بعده زود أنيني
وأرجعيلي بكلمه منه تحييني
تطفي شوقي اللي زايد وحنيني
قوليله كفايه بعده زود لهيبي
بلغيه حبي وسلامي
وفكريه بحلاوة كلامي
وهمسي وغرامي وهيامي
عرفيه فهميه اني لعهدة
حافظه ولوعدي مش ناسية
وطيفه ساكن خيالي
مش نسياة ولا هعيش براة
دايما فاكراة وفي قلبي هواة
قدري ومكتوبي
جابه النصيب ونداني
لقيت روحي ريحاله من غير تفكير
طار عقلي وقلبي معرفش
ايه اللي جرالي
مكنش يخطر على بالي
ولااا كان في احلامي
ولااامر بخيالي
احب واتحب والشوق يملاني
آه ياحيرتي ياني
مالكم بيه ياعزالي
بلاش تشتتوا افكاري
كفايه منكم ماجرالي
متلوموش محب ازاي حب
عيشوا الحب بصدقي واحساسي
ولما تحسوة هتعزروني وتقولوا
لا على العاشق ملامه
سمعت كتير ويامه
لا اثر ولافيه علم علامه
الحب اقوي من اي كلام
اقوي من اي حاسد او ملام
دانا والله بحبه من ساسي لراسي
وعيونه حراسي
هو الضي لعيوني معاه
حسيت بوجودي وحلاوة أيامي
الكاتبة
حسنة محمد.
18.8.2023
ليست هناك تعليقات:
إرسال تعليق