جاري البحر شو بخاف موجاته
حكاية عشق مع كل من فاته،
بمشي بخفة ع شط رملاته،
بسمع مواويل زادت نهداته،
شكوى،أنين، وحب، وقصص غربة وقرب زادت بآهاته،
رسائل وأحلام أماني وأحزان علب مثل المسك معتقة مدري حلم مدري سلام لكل يلي غاب تنده بكفي بقى زدتوا الملح وضج الجرح ،،، وصار البحر وطن غابت ضحكاته ،،،
شوية هضامة مولدنة،،،
بعض الهوى بكل سنة
يزيد الهنا وبتطل فلوكاته،،،
بخاف إني إعشقك أكتر شو بخاف من ناسك
وكبر إحساسك،،،
شو بخاف من ناسك ،،،
زوار بالتنهيد زادوك بُعد
وراح الوعد بالمي متل صدفاتك ،،،
صار السمك يسخر
يضهر وما يقدر،،،
زادوك غدر ومشيوا ،،،
ونسيوا ع شطك شو حكيوا،،،
سامحنا وحياتك ،،،
هيك نحنا خلقنا لننسى،،
غدرنا ونكرنا وعليك بكل الحروف القاسية حكمنا ،،،
سامحنا وحياتك،،،،
الكاتبة
إبتسام فندي.
13.8.2023
ليست هناك تعليقات:
إرسال تعليق