#يحيا_الوطن
آه ياوطن فيك العجب
أشكال على ألوان.
فيك المكسح كسب
أما السليم خسران.
فيك كل شيء غالي
ماعدى الإنسان.
فيك الحامي حرامي
وماعادش فيك أمان.
ولاعاد فيك كرامة
ولاحقوق إنسان.
والظلم فيك بقى كيف
بيسبب الإدمان.
والأعمى فيك ساعاتي.!
والمكسح عجلاتي.!
والحر فيك مهان.!
منهوب خيراتك ياوطن
من سالف الأزمان.
ومش مكفيهم إللي سرقوه
عايزين كمان وكمان.
وكل فرعون بيحكم
بيجيب معاه هامان.
وسحره في الإعلام
بيتوهوا عقلك.
والأجرة مدفوعة ضرايب
من جيب الغلبان.
ويقولوا يحيا الوطن
والشعب فيه جعان.
وعجبي!
الكاتب
فوزي سليم
22.8.2023
ليست هناك تعليقات:
إرسال تعليق