بتحبيه
ياااااه عليك ياقلبي
أيوا بحبه وبتمني قربه
وهنكر ليه
متغلبنيش معاك..
بحبه من غير ليه...
هو الوحيد اللي قدر
يفتح بابك ويطيب جراحك
وينهي عذابك....
مكنتش عايش قبله...
عمرك ماحنيت الا ليه...
ولا فرحت الابيه...
معاه أبتديت تدق وتحن وترق
ويملاك الأحساس...
يبقي بتسأل ليه متبقاش شكاك
ويركبك الوسواس.......
هو دة الي انت أخترته
من بين الناس....
فتح بابك وسكن فيك
وأصبح ليك قمر وناس...
أسال نفسك..
خليك حساس....
جاوب علي سؤالي
متعملش عبيط وتحتاس...
أوعي تنكر أنك عاشق
من الساس للراس...
قدر يهزك ويشدك ويخطفك
من الدنيا بحنانه وغرامه
وأحساسه علي قد المقاس....
لسه عايز تسأل..... أسال
بتكرر وبتسأل نفس السؤال
بتحبيه.....
والله بحبه...
دنيتي من غيرة مكنش
ليها لون ولا معنى..
ولا فيها حاجه تسعدنا ولاتفرحنا...
بتبعدني ظروف الحياة....
بتاخدني غصب عني.....
لكن معاه قلبي ساكن ومتهني..
ومش نسياة.....
مر عليك ياقلبي كتير ويامه......
محدش عرف يفتح بابك
ولا يعلم فيك علامه.......
ماهو قدري ومكتوبي.....
يادوب علي قد توبي......
كفايه ياقلبي وبطل اسالة......
بتخلق باسئلتك في الفكر مشكلة...
انا وانت ملناش غيرة.....
نبعد نقرب..جواك مكانة.....
اهدى ياقلبي وارتاح......
وودع الماضي بكل اللي راح...
استني نصيبك من الافراح...
اقولك ياقلبي سيبها علي الله.....
المكتوب مكتوب.....
مفيش منه هروب...
لابد بعد الليل ييجي نهار.....
خلينا ماشيين مع التيار......
ليه تخاف وتحتار....
ودايما تحطني في اختبار....
بدام بإراتك بتختار...
خليك شجاع مرة...
قاوم....
عيش...
افرح.....
وانسي الحياة المرة.....
ومتنساش انك قلب....
من حقك تحب وتتحب......
وتحس بطعم الحب......
الله عليك ياحب......
الكاتبة
حسنة محمد
7.8.2023
ليست هناك تعليقات:
إرسال تعليق