وحشتنى اللحمة
**************
وحشتنى اللحمة ورحت أسأل
الكليو من اللحمة بكاااااااااام ؟
فجاءنى الجزار بكلامه وقال لى
الكليو؟ أحترمى نفسك...يامدام
اللحمة دلوقتى .............عزيزة
وأحنا بنبيعه..ا بالحتة وبالجرام
قلت له: هات جرامين حتة لية
يعنى لزوم التقلية للتقلية مقام
الولد عنده حمى...... و سخونية
وأنا عندى .......بعيد عنك زكام
راح شاخط فيا ......وراح قالى
جرامين ياولية يامفترية حرام
قلت له ياخويا معلشى بالمرقة
نبقى نتعشى أقطع لى ...جرام
راح يقطع حتة م اللية قلت له
أتوصى بيا شوية وأقطعها تمام
أدينى حتة من الفخذة وإدينى
حتة من الكبدة.... على الرمرام
قال لى ياست يامخبولة .....فى
فى النصب طالعة الأولى يامدام
واكلاها والعة ولاحاسة.... إدينى
عرض كتافك وأمشى خطوة لقدام
قلت له ياراجل ياحرامى إنجر بقى
من قدامى ........وبلاش فى ملام
روحت البيت ...وأنا غضبانة ماشية
ف الشارع وورايا جارتى البنت هيام
إبتسمى يابنت وورينى ح نحل إزاى
يانور عينى الأزمة....... واللحم لحام
قالت لى : ياجارتى دى أزمة وكلامك
مالهوش لازمة ...الأزمة عاوزة محام
رديت على الحلوة ...وقلت لها ده كله
أنا جبته لنفسى كان عندى برج حمام
وأنت ياحلوة ...! فين بطك... ياختى
وأوزك ... ؟وبواقى أكلك فى الحمام
والجارة قالت للجارة.... والحارة قالت
للحارة وعملنا بروج حمام.. ياسلاااام
القرية صارت عزيزة وخطبها أبو العز
وظيظة ف بيت العز بيتنا فى الأحلام
فجأة وصحيت أنا من نومى على صوت
عصفور قال لى قومى وكنت فى منام
صحيت ع الفول والطعمية وفى الطابور
أغمى علياالواد صابر ابن بهية بنت علام
كان عنده زحام سألته ياولدى القرص بكام ؟
قال لى مش غالى يامدام ثمنه ثمن البرشام
بقلم
نجاه شحاته توفيق
أسوان
٦ مايو ٢٠٢٣م
أناشد الجميع
مزيد من الإنتاج مزيد من الرخاء .
مزيد من العمل مزيد من الإنتاج.
رووعاتك.. سلمت اناملك 🌹
ردحذف