مقلوبه الايام
.....................
مقلوبه الايام معكوسه
فرت منها البركه المحروسه
ومراية العمر الموكوسه
مابين الماضي والحاضر
بدس السم في عسلها
والناس متشافه مناظر
غلبتهم أيامهم وقلوبهم
من جوه محاجر
الحزن ملازم أيامهم
والفرح مهاجر
الطفل المولود متخانق
مع نفسه من قبل مايجي
وبراءته من اول يوم بتسافر
مشوار العمر نصه نفاق
والنص التاني بيعافر
مع اني حلاوة العيشه
انك تتصالح مع نفسك
لو كل الخلق حتسيب
حكايتها علي الخالق
وتسيب الخلق للخالق
حنشوف الايام معدوله
وفي لمتنا حتيجي البركه
وفي إيمانا حتيجي الرحمه
صالح نفسك ارمي همومك
علي خالقنا
بقلمي ✍️ شيرين ابوعميرة 🌺
ليست هناك تعليقات:
إرسال تعليق