احلى الحكاوى بتتحكى
عنك اه يا يا اما
مهما قلوبنا بتشتكى
دوانا فى الضمه
بعد الحبيبه الغاليه
ما لينا تانى احباب
يا اللى حياتك دنيا
رحتى بدون أسباب
غير انه قضا ربنا
ومليتى قلبى عذاب
ونهارى بقا ضلمه
اه يا امااااااه
موال ★★★★★
يا احلى حاجه فى حياتنا
يا بسمه حلوه فى دنيتنا
يا شايله اى هموم عنا
يا منوره لينا سكتنا
★*★*★*★
عرفنا منك طعم الحب
يا ساكنه روحنا وساكنه القلب
ده لو فى يوم نبعد عنك
البعد عنك اكبر ذنب
★*★*★*★
الجنه فى وجودك يا امه
دنيتنا من غيرك ضلمه
وافديكى والله انا بروحى
واعيش واقول اجمل كلمه
★*★*★*★
يا احلى حب يا قلب كبير
يا حب غالى من غير تفكير
ده سعادتى ونعيمى فى رضاكى
ودعاكى ليا ده احلى مصير
★*★*★*★
يا اللى انت قلبك متحجر
امك حياتها ما تتقدر
احرص على رضاها ونوله
من غير رضاها هتتعسر
★*★*★*★
امى الحبيبه يا واحشانى
يا أحلى حاجه فى زمانى
الدنيا فى بعادك رايحه
ولا راضيه يوم تستنانى
★*★*★*★
مش لاقى فى الدنيا انا غيرك
يدينى حاجه من خيرك
خيرك عليا ما يتقدر
هأشوفه تانى اما اجيلك
★*★*★*★
يا جنه فى الدنيا يا أمة
شريان حياتى أنتى ودمى
متفرقين أنا وأخواتى
وأنتى اللى كنتى بتلمى
★*★*★*★
احلى السنين فى حياة الام
من غير وجودها نشيل الهم
من بعد امى ما ليش احباب
فى الدنيا ديه لا خال ولا عم
موال ★★★★★
ما اقدرش اعيش فى الدنيا
وانتى مش فيها
ما اقدرش اكون انسان
يا زهرة البستان
ده انت اللى كنتى النور
والضلمه لياليها
وانت اللى شيلتى عنى
كتير من الاحزان
وانت اللى كنت باخاف لو تبعدى عنى
والبعد عنك خوف ما لهش امان
جربت اعيش بعدك كتير
ولا أخلى قلبى فى يوم أسير
ماقدرت على ليلة بعاد
ولقتنى مستنى الميعاد
والدنيا بعد بعادك انت ضاقت
وانا جرحى خطير
من ديوان (كلمات لها معانى مع اجمل الاغانى)
الكاتب
أدهم عبده
20.3.2023
ليست هناك تعليقات:
إرسال تعليق