((((( صورة غنائية)))))
من الزمن الجميل
الفول العجمية
***********
معايا الفول العجمية
بالزيت الحار يالفندية
ومعايا طحينة مغذية
والدقة من عندي هدية
واللي يجرب فولي مرة
هيستناني المرة الجاية
قُدّام البيت م الفجرية
إديني بقرشين يامحمد
واتوصى والنبي بيا
على عيني حاضر
ياصبية
صباحك ورد وفل ولوز
ووشك دايماً حلو عليا
إديني وعايتك واستني
هطوّق بس العربية
مشيني الأول يامحمد
العيش في الفُرن
وهيقدِّد
وابويا صعب هيشخط
فيا
بالراحة عليا ياصبية
خليكي واقفة هنا شوية
شايفةالزباين على وشك
فرتِكوا مني العربية
هروح املاها كمان مرة
دي الناس كلها مستنية
يامحمد ابويا هيضربني
وامي كمان هتأنبني
والعيش هيقددوهينشف
أصل اناسايباه عالطبلِيّة
والله مايهمك ياصبية
هجيب الفول واجي
لابوكي
واقوله انا طالبك
وشاريكي
ومن زمان معجب بيكي
دانتي وش السعد عليا
لأيامحمد والنبي أرجوك
أهلي صعبين ممكن
يأذوك
وانا لاليا ولا عليا
أيووه يا ناس ع الحنية ست البنات خايفة عليا
أنافين ياناس الساعةديا
ليكون داحلم ومش ليا
يابركة كل الأولِية
خدوا بالكوا ياناااااااس
م العربية
أُدامي على بيتكوا
ياصبية
واللهِ لو وافق أبوكي
لاكتبلك نص العربية
واعيشك عيشة ملوكي
ياخواتي بموت في
الملاغية
كلمات
محمدأبوالحسن
ليست هناك تعليقات:
إرسال تعليق