شايفك حايرة
خايفه
طب وده ليه
تفتكري فيه من غيرك
حضن حنين اجري عليه
مهما حلمت احلام ورديه
انت الحلم
اخت وبنت
ولما اتوجع بتبقي الام
والاحساس اللي انا فيه
قلقانه ليه
وانت العمر الباقي وانت
كل ما فات
وانت الصبراللي بعد المر
وانت العمر
انا ياحبيبتي وهبتك
روحي وقلبي
شبكة بسيطه تبقي المهر
وانا وحياتك كلي عشانك
حرفي عشانك
حسي عشانك
تساوي ايه الدنيا
من غير شوقي
جوه حنانك
تفرق ايه لما يعدي
العمر الباقي
ارجع واعيشه تاني اوانك
لساكي خايفه
لو فتشت في لحظه
انا جواكي
يمكن تبعد فينا ظروف
برضو معاكي
اوعي يتمكن منك خوف
إن كان رحلاتي كتير
لازم ترجع مرساكي
كل مااحبك اكتر
حسادك بيحاولوا يمنعوني
يكدبوا..بيتوهموا
قال ايه كده هيبعدوني
لا والله العظيم
مهما قالوا
مهما كدبوا
حبي ليها ايمان في قلبي
حد يقدر يخش قلبي
وينزع منه نور يقيني
اطمني ياروح فؤادي
كل شيء موجود بتمن
الايام كفيلة تمحي
من حياتنا تجاعيد الزمن
اطمني ياحبيبتي
حياتي ليكي
حروفي بيك
ابسط حاجه هديه ليك
اقدم روحي وقلبي التمن
اطمني قلبي عندك
قلبي ميعرفش غيرك
زي نور وخش قلبي
زي طيرك
مهما طار وراح بعيد
استحالة يلوف بغيرك
كتروا الحاسدين
المحرومين
اللي عاملين عاشقين
اللي عاملين أصحاب ولكن
من جواهم حاقدين
ممكن سؤال لو مش بحبك
بالله عليكي قوليلي
بينهم طيب هحب مين
احمدعبدالحق
ليست هناك تعليقات:
إرسال تعليق