أنابيش طملاي
حب مزمن
وحشاني جدا وحشاني
ياورده نادية ف بستاني
ياشهد ليلي وندماني
وحشاني جدا وحشاني
يامنايا أنتِ يا منايا
بقيت بحسك جوايا
لما بحس بحرماني
بلاقيكِ جدا وحشاني
ياجمال بحسه مجنني
ياساكنه فالعين والنني
نفسي بأه مره تحني
يامالكه قلبي ووجداني
وحشاني جدا وحشاني
ياللي الجمال عرفوه منك
مرسوم بريشة من فنك
أجمل قصيد كتبوه عنك
هكتب كتير وهقول تاني
وحشاني جدا وحشاني
موعود بحبك يابهيةٰ
ياليل نجومه مِضويةْ
مشتاق لنورك ياعنيةْ
بعدك مطول أحزاني
وحشاني جدا وحشاني
غنيت عشانك موالي
عااللي جرالك وجرالي
إنتِ الأمل بالنسبالي
مَتْهُوم بحبك أه ياني
وحشاني جدا وحشاني
أبنودي حبك غنالك
وصلاح جَاهين كان موالك
غنى عشانك وعشاني
وحشاني جدا وحشاني
أحمد فؤاد كان بهلولك
عاشق لنيلك وسهولك
والكل حبك غنولك
ياخوف مكبل شطآني
وحشاني جدا وحشاني
ونجيب سرورمات من أجلك
مجنون بحبك مشتاقلك
ومات حزين متشوقلك
يا اللي غرامك أضناني
وحشاني جدا وحشاني
الطائر المهاجر
الكاتب
ممدوح نظيم طملاي
٢٧/ ٢/ ٢٠٢٣
ليست هناك تعليقات:
إرسال تعليق