قول يا قلم .....
الشعر دا رسالة
مش تهمة و لا جناية
بيحرك مشاعرنا
و يعملنا حكاية
هو كدا فطرة
يطلع بميت فكرة
يقلب في أحوالي
الشعر دا ملجأي
روحي و أفكاري
لما تضيق دنيتي
و أسمع حروف غنوتي
نايمة على سطوري
الشعر دا موجة
وخدانا في بحورها
سارحة على دروبها
مرة تفرحنا و مرة تبكينا
تهرب تفاصيلنا
و نخبي أحلامنا
لو حتى في جزيرة
الشعر دا روحنا
مرسوم على جروحنا
دنيا تواسينا
مرة أميرة في قصر
مرة فقيرة و بس
و أسيرة سجانها واقف
على بابها
مسجون و مش داري
و سفيرة لبلادها
معروفة بجمالها
رسمت في أحلامها
فارس على حصانه
شايل كدا سيفه
قاطع لراس الغول
رحنا مع ليلى
نواسي أوجاعها
سمعنا كلام في الحب
يشبه نسيم الصيف
نعتب و نتعاتب
لو طلنا نتحاسب
و برضه بنحاسب
هي المشاعر إيه
غير كلمة بين قلبين
من غير حروف سامعين
و أرجع كمان و أكتب
عن حلمي و أيامي
فاكرة أكيد شكلي
و لعبتي في حضني
ماسكة في أحلامي
و الحب و الحواديت
أصل الزمان دا زمان
تسهر تقول موال
و الكدب أصله محال
ملوش مكان في البيت
ليلة شتا دافية
حاضنه المطر بالليل
و الركية جنب الساقية
بتحكي في الحواديت
الشعر في خيالنا
بيحمي أيامنا
من الغربة في التوابيت
تهاني بركات ١ / ١ / ٢٠٢٣
رووعة🌺
ردحذف