محكية باللهجة السورية
...........
عام جديد
.........
ودعنا عام التعقيد
ذكرى بشعة مَضَّينا
بلشنا بعام جديد
نأمل خيره علينا
بيقولوا عام التجديد
بدو يفرح عينينا
من قلبي ضحكت وبزيد
جاية بهمو يبكينا
هادي الأزمة بالتحديد
شلت قوة إيدينا
حظر وحصار من حديد
بيتسلى الغرب فينا
جبار الشعب وصنديد
مافي ضوء بليالينا
تجار الأزمة بتعيد
وأسعارا عم تكوينا
ياربي دخلك لاتزيد
ها للي فينا مكفينا
يا سنة جاية من بعيد
صرتي بينَّا وحوالينا
إن كنو راسك عنيد
إلنا الله بيحمينا
شتويتك برد وتجميد
وصيفك حرو بيسلينا
عنَّا بدائل أكيد
مهما تقسي علينا
الحزين بيعمُل سعيد
تا الدنيا تهون سنينا
والطبخة بدا مواعيد
صارت أغلى أمانينا
الميِّة السخنة حلم وعيد
واللهِ شكلا نسينا
عم تقولوا عام جديد
فيه بنأمل يحيينا
هالعام وغيرو بليد
نسونا كلشي بدينَّا
وال برا قاعد بيجيد
كذبو ودجلو بيعطينا
كتر الكذب مابيفيد
ودمع القهر بيعمينا
الكاتب
عثمان الأقرع
1.1.2022
ليست هناك تعليقات:
إرسال تعليق