افتكرت إني شاب
وقفت قدام التسريحه
حطيت علي هدومي ريحه
بعد ما لبست قميصي
ودهنت شعري
وعملت اجمل تسريحه
ونزلت على السلالم في ثواني
وجريت في الشوارع هايم
ابص علي البنات وعلي الهوانم
افتكرت اني شاب
ونسيت ان شعري شاب
ولا كان هاممني كلام الناس
ولا اي عتاب
افتكرت اني شاب
وان العمر لسه ما عدى
وان لسه فيه امل النهارده
قبل ما يجي بكره
ومكنتش مقدر
ان القدر كان مقدر
ان القلب دقاته
كانت بتسرع
وان نفسي
كان بالعافيه كان بيطلع
وعلي اول زقاق
خطوتي كانت بتبطأ
وعنيا تاهت من غير ما افكر
ووقعت من غير ما اقدر
ان احساسي خاب
وافتكرت اني شاب
شاب....
الكاتب
محمد مرزوق
1.1.2022
ليست هناك تعليقات:
إرسال تعليق