((( جوا عيوني عنوانك )))
أنا أرضك و ضل سماك
وليك بحرك و شطآنك
وجوا في روحى وملامحي
رسمت بشوقي إلهامك
لكن ظنك بيجرحني
صنعته بفكر أوهامك
وأصلي كنت تكوينك
وجيت للدنيا علشانك
وراضي بكل تأنيبك
و ظلمك ليا في كلامك
عشان عارف أكيد تعبان
وفي بعادي اتقلب حالك
ومهما تلف و تأوح
أنا حاسس بحرمانك
وكل آهات وجع قلبك
وما بأيدي أداويهالك
وتايه ويا ملكوتك
وبتعاند وبتكابر وبتناهد
وكل الكون عليك شاهد
وناسي إن أنت في عيوني
لقيت بيتك و عنوانك
#أمل_أمين_الخولي
#رحالة
#Felicite_World
رووعاتك💐
ردحذف