فى حب مصر
كلمات ادهم العوضي
ازاى قدرتى تفرحى بجرحى واهاتى
وازاى قدرتى تزلى فيا كتير يوماتى
وازاى قدرتى تولعى فى الصدر نار
هو انت امى ولا انا خارج المدار
ازاى بترضى بالدموع والجرح ليا
علمتى ابنك ليه الخضوع ما تعلى فيا
مستنى انك ترفعينى فوق وعالى
ويا ريت تكونى انت كمان لسه مستنيه
فوقى يا بلدى وفوقينى عشان نكون
محتاج لحضنك ضمتك وبلاش سكون
قوينى بيكى لعزتك خلينى اكون
ابن لام اعتز بيها ملكه حنون
ملكه على كل القلوب كل الضماير
خلى العدو لو حب يخرب يقف وحاير
مشلول ايديه اعمى عينيه من قوة ابنك
والقوه يا امه منك انت تحديد مصاير
ازاى نقول انك عظيمه
لو هترضى بالخضوع
وتقطعى فى روحى وتخرجى الحب
اللى ساكن فى الضلوع
وتعيشينى فى ويل ضلمه وتقولى
اصل مفيش شموع
عايزانى اهرب ولا اندم
وبعدها مفيش رجوع
مش هأهرب يا ام عشانك
وهاربى اللى عابوا زمانك
نسيولك كتير احسانك
نهبوكى وسرقوا يا مصر
انا هافضل معاكى وليكى
ولا هاقبل بدمع عنيكى
وفى عينى وقلبى اداريكى
وابنيلك يا امى القصر
اللهم احفظ مصر وشعبها
وجيشها من كل سوء وشر
كلمات ادهم العوضي
ليست هناك تعليقات:
إرسال تعليق