ليه تداري
ليه تداري خليك من الحق يوم
مها طال الليل عمر الظلام ما يدوم
لابد من طلوع الفجر والشمس تملأ الكون
ولى دارى فى ستر الظلام كان موهوم
ويقع لحم الحيا منو لما تقطعو
سهام العيون
ظالم
وناكر الحق وغمس عيشو بدم
ونسى أن السحت نار البطون
اظلم فى ناسك
وكتر حراسك ودارى فى حطب ظلمك
لو جه القدر مفيش من القدر
معصوم
واقف لوحدك بين ايادى الحق
وخلق منك خصوم
عديت وبعت وفتريت وضحكت لما
اشتكى المظلوم
دور يانكر الحق مين من حراسك
راح ينصفك اليوم
اضحك على وهمك نادى على جمعتو
من حرام
خليه يكون سندك ودفع منو
ثمن ظلمك لو فيه غرامه
تنصف ظالم من المظلوم
هيسيبك مالك وينكرك خلانك
حتى ابن ظهرك مايقول عليك
مرحوم
منين هتيجى الرحمه يالى هلكت اهلك
وبعت بالقناطير دمك
وكان عرضك عليك بيهون
الحق بقى وقتك قبل ميعاد
سعتك وتلاقى نفسك
بنار الحق مرجوم
وتسمع ضحكة شطانك وانت
بتصرخ ومش قادر تقول
مظلوم
كان على راسك ريشه وعلى عرشك
كنت حاكم وانهارده انت المحكوم
الكاتب
أشرف أبو شريف
2.9.2022
جميل جداً 🌺
ردحذف