شوية صور
لسه الشمس طلة فوق جبينك
و الضحكة كاسية لون عيونك
لسه كل حاجة بلون سمارك
عمري كله رافض وداعك
كنت جنبي في نفس الطريق
كنت فرحي لما أيامي تضيق
بس قلبي كان عنيد
قال يعاملك زي العبيد
كنت فاكر إني هاعندك
لما هابعد هاتندهيلي
كنت فاكر إن ضعفك
هيجبرك تتحمليني
بس بعتي......
أيوه بعتي و خلتينني
لسه واقف في نفس المكان
مستنيكي ترجعيلي زي زمان
دا كان زمان......
لسه الدموع متحجرة
متحيرة رافضة تنزل
إلا لما تسمعيلي
لسه جنبي في نفس الطريق
و قلبي فيكي أصبح غريق
و أنت ماشية بكبرياء
رافضة عينك تيجي في عيني
رجعت للبرواز و الصور
و من الوجع قلبي اتخلع
لما شفت حياتي ذكرى
في حبة صور
و أنت جوايا بتزرعي
لسه الأمل
و بتوعديني إنك في يوم
هترجعيلي...
الكاتبة
تهاني بركات
٢٦ / ٨ / ٢٠٢٢
رووعة🌺
ردحذف