أيام
فاكرين الساقية دى...دى ساقية جدى...إللى كان الحمار بيجرها...والميه فى المسقة تجرى...أيام ما كنا نروى الزرعة بالشادوف...وكنا بناكل الثمرة بدون خوف...أيام ما كنا نربى الفرخة والخروف...كانت الظروف غير الظروف...لما كنا بنروى الزرعة بالطمبورة...لما كنا نحط في وسط الزرعة خيال المآتة...وتخاف منه الطير والعصفورة...لما كنا بنمشي فى الأرض المروية تاتا تاتا...أيام ياريتها دامت...خلى الفلاحين باعت أرضها وخابت...وكترت فلوسهم وسكنت المدن وتاهت...الله يرحم فلاح زمان من بعده الأرض جفت وشابت...فاكرين لما كنا بنقعد تحت شجرة الجميزة والتوتة...كنا بنسمع من جدتنا أحلى حدوتة...لما كنا بناكل العيش من إيد أمنا...دلوقتى بنقف ع. العيش بالطابور ... ومستنى لما يجى عليك الدور ...وحطين إيدينا على خدنا...وبقينا عايشين بالريموت وعاوزين حاجة تذقنا...من ساعتها كترت أحزانا وهمنا... وبنقول لو من حظنا وبختنا نرجع بالزمن تانى ورى... وعجبى...كلمات
الكاتب
ربيع فارس
4.8.2022
ليست هناك تعليقات:
إرسال تعليق