معايا السعادة لنور
وحمادة
معايا السعادة يلا
ياسادة
علشان توتو ونور
وحمادة
سعادة خام سكرها
زيادة
قرب قرب وتعالى
جرب
معايا حظك فوق
العادة
يلا تعالى قوام
ماتغبشي
دي ساعة الحظ
ماتتعوضشي
ياهتلحقني ياماتلحقشي
أناشطبت وقربت امشي
إستنى ياعم انا عاوز
حظ
زي الكورة معايا يطُظ
لابينكسر زي البطيخ
ولا يتبعزق زي الرز
وانا عاوز حظ معايا يفُر
كل مااشدهُ يزيد ويكُر
لابيتقطع زي الفتلة
ولا زي الغُربال بيشُر
وانا عاوز حظ يكون
معقول
يفضل مهما العمر يطُول
لا بيتبغدد ولا يتشدد
وان خلص انا مش
مسؤل
سهلةياسيد طلبك عندي
يلا اختارلك حظ وعدي
واركن هنا على جنب
وهدي
إيدك بس على المعلوم
علشان يعلى الكوم
ويدوم
وافتح يلا وشوف
يالافندي
إيه اللي عملتوا دا فينا
ياعم
ياعم ميِّل كده واتلم
احنا فينا اللي مكفينا
ولا شايفنا وحشنا الهم
هات المعلوم واكتفي
شري
وبلاش تذوم خليك
دوغري
دي حظوظك كلها
فنكوش
وشكلك كده من حلق
حوش
وجاي تلعب هنا وبزهري
طب دانا زهري دبش
مغشوش
وكل مرة يجيبلي
فشوش
ولا انت ناوي تزيد قهري
روح ياعم وقول
يافكيك
قبل مايغلب فيك صبري
ولما يأذِن عُرف الديك
إبقى تعالى زورني في
قبري
الكاتب
محمد أبو الحسن
18.5.2022
ليست هناك تعليقات:
إرسال تعليق