ابوس ايدك يامه
ياما كانت ليا ضامه
وكانت تقوى ليا الهمه
بالحنان
بالدفا والامان
ايدك يامه
وابوس ايدك يامه
كانت عليا تطبطب
ولا مره فكرت تضرب
ولا من شقاوتى تهرب
كانت تاخدنى
فى حضنها ولا تسبنى
ايدك يامه
وكل الأيادى كوم
وايدك انتى كوم
محلاها عليا ساعة النوم
اللى كتير قطعت منى الهدوم
وولا مره وجهتى ليا اللوم
بايدك يامه
وابوس ايدك يامه
وحلاوة الطعم منها
اللى بالكرم ربنا يزدها
ودى مفيش حاجه تضاهيها
تسلم وتسلم ايديها
اللى مهما ابوس
حقها منوفيهوش
يامه
وابوس ايدك يامه
ولولاها ماكنت انا
دى رضاها من رضا ربنا
وباذن منك يامه
وابوس ايدك يامه
دنا لما كنت أعمل شر
عمرها ماكانت ليا تضر
وتفكر بس فى اللى يسر
وكلها خير
الصغير والكبير
وبتدعي ربنا لينا بحسن التدابير
يامه
وابوس ايدك يامه
الكاتب
محمد سليمان
23.3.2022
ليست هناك تعليقات:
إرسال تعليق