أحلام للبيع
ياعم ياللي بتحلم
ونفسك فى حلم يتحقق
قدم طلب عندنا
نشوفلك حلم على أدك
وتيجى تملا استماره
ومعاك اتنين من اهلك
عشان لوخدت حلم
غلط نقدر نجيبك
ونوصلك
والحلم لمرة واحدة
والتانية مش من حقك
والحلم اللي نقرره
لا تدقق فيه ولا تمقّق
الأحلام دي ملكنا
واحنا اللي ليها هنفرق
واللي مايعجبوش حلمنا
يحلم بعيد عننا
وابقى قابلني لو حلمت
بشىء عندنا واتحقق
وعجبي
الكاتب
محمدأبوالحسن
28.3.2022
ليست هناك تعليقات:
إرسال تعليق