الأب نعمة حافظ عليها
مين اللي يخاف عليك م النِسمة لوبس تِلفح وجنِتك
مين اللي يحِس بيك من غير مايسمع شكوتك
لو شافك يوم مكشَّر
أو مغيَّر سِحنتك
مين لو شافك حزين تحْرم عليه الدنيا لحدّ ماترجع
ضحكتك
مين لو دمعة بلَّت خدّك ياخدك في حضنه
ويطبطب عليك وبإيده يمسح دمعتك
مين لوقلت آه يقول ياريتها فيَّااناولاشيءيقرَّب ناحيتك
مين لوغبت ماينامش غير لما ترجع سالِم حِتِتك
مين يتعب ويشقَى اليوم بطوله وانت نايم على
فرشتك
مين يفنٍي عمره كله في
خدمتك
مين يتحملك ويسامحك لما تكبر مهما كانت غلطتك
مين وهو نايم ولاصاحي شايل همك ومشغول
بقصتك
مين لما تكبر وتبقى راجل يمشي جنبك ويِفتِخر
بحضرتك
مين لما تفرح يقول دا حلم عمري وكل شيء يرخصلك
وف خدمتك
مين اللي مستني ومتشوّق
يشوف ابنك
ويقول أعّز من الوِلد وِلد
الوِلد
وحاجة غالية من ريحتك
مين اللي ياخُد ولادك في
حُضنُه
ويسيبك انت على راحتك
يابختك ياللي ابوك عايش
يابختك
حُطُه في عينيك وفى ثانية تجري عليه لمّا يندهلك
وحِب على رِجلُه وإيديه دُول سبب سعدك
واوعَى في يوم تزعله أو تهينه دا يبقى يوم نَحرك
وياويلك ساعتها من حساب
ربك
واسأل اللي مات أبوه تعمل إيه لو ابوك ساعة
واحدة يرجعلك
هيقولك كلام كتير يوجعك
وساعات هيشرحلك
إزاي الدنيا من بعده اتغيرت والكل بِعِد عنك
واللي كان عامل حبيبك أوقريبك تلاقيه بيدارى
منك
ولا يوم يسأل عليك ولا يقولك ازيك
إوعى يغُرّك شِيطانك وتمشي وراه من جهلك
وتبيِّت أبوك حزين أو تتشِغل عنه مع أهلك
واعلم اللي هتعمله في ابوك
أكيد بُكره من ولادك
هيرجعلك
الكاتب
محمدأبوالحسن
17.3.2022
ليست هناك تعليقات:
إرسال تعليق