شجرة توت
ضميني في غيطانك
خليني شجرة توت
إسقيني من حنانك
علميني بلا شرووط
إكتبي إسمي قدامي
ساده ولا منقوووط
عشان اعرف الأسامي
ذي ما عارف الموت
وأحسب كمان أيامي
وأطرحها من اللي يفوت
إزرعيني في بستانك
عشان كمان اشووف
وأتمدد علي الحيط
وأجري علي الحروف
وأسابق العنكبووت
قبل ما يعمل خيوط
أتحني بطين الغيط
والقا نفسي مبسوط
ضمينى فى غيطانك
قبل ما يروح الصوت
الكاتب
حسن الشوان
30.1.2022
ليست هناك تعليقات:
إرسال تعليق