٢٤قيراط
في مثل بيقول "البنت كل ماتكبر في السن فرصتها في الجواز بتقل"، نفسي أعرف ليه مش بتبصوا لنص الكوباية المليان، وهو أن ربنا منع عنها زوج سيء ممكن يبهدل حياتها، وكمان اللي بيقولوا عنهم دول متجوزين من زمان ولسه مخلفوش طب وأيه يعني، أنتوا عارفين حكمته في كده إيه، ما يمكن ربنا منع عنهم أبن عاق ممكن يبهدلهم في كبرهم، خدوا بالكم التأخير ديمًا في خير من رب العالمين، لو أخر جواز فهو بيختبر صبركم وأكيد ربنا شايلكم حاجه جميله زوج/ه صالح/ه عشان تحلی به الدنيا وتقلب كل المرار اللي عشتوه لأيام كلها حب وستر ، والناس اللي ما عندهمش أولاد ممكن يبقی عندهم أولاد كتير جداً أبر بيهم جدًا من اللي من صلبهم، ماتلموش حد علی حاجه مش في إيده، لأنه لو حد يملك لنفسه حاجه، كان كل واحد فينا أخد من الدنيا أحسن ما فيها، بس ربنا بعدله وحكمته قسم الحياة بنا بالعدل، وكل واحد فينا أخد حقه كامل و ٢٤ قيراط، يعني ماحدش أحسن من حد اللي عنده الأولاد،الصحه، الزوج، المال، الراحه النفسيه، وكمان بيبقي معاهم في المرض، ضيق اليد، الخوف، القلق وهكذا، في الواقع أن كله فينا عنده زي بعض بس ماحدش بيشوف الحقيقه دي غير العقلاني، يعني زي مافي حاجه سلبيه من وجهة نظرك في حياتك ، في كمان حاجات إيجابية برضوا، بس انتوا عارفين أيه الأيجابية الحقيقه واللي بجد، عارفين أهم حاجه بالنسبالنا هي المفروض تكون إيه، هو أننا لازم نلاقي نفسنا، ايوا والله وساعتها بس مش هنبقی محتاجين لحد، عودوا نفسكم أنكم تستكفوا بالله لأنه خير السند، ربنا هو اللي لو بعدت أو أتمردت عن الطبيعي، هيردك ليه بحب وهيتوب عليك لو رجعتله تائب مستغفر، واللي يحس الكلام دا يبقی ربنا أنعم عليه بالبصيرة و الرضا وهي أجمل نعمة بعد الاسلام، ياريت ناخد بالنا من كلامنا مع الناس لأنه بكلمه ممكن تجبر خاطر أنسان أو تكسره، ممكن بعدها يدعيلك أو يدعي عليك فخدوا بالكم لأنكم "علی نياتكم ترزقون" .
الكاتبة
عائشةالعزيزي
3.12.2021
ليست هناك تعليقات:
إرسال تعليق