٠{ اغنية كفاية دموع }٠
يافرحة مين قالك
إن إحنا مانستهلك
ولا إحنا ليكي حبايب
ولا من بقيت أهلك
يافرحة إحنا طيور
حمام وكام عصفور
لوطيرنا وسط نسور
يستفردوا بينا
يافرحة كفاية دموع
تهنا بدروب وربوع
وبات الفؤاد موجوع
وكترت مأسينا
يافرحة ليه قاسية
وسفينة مش راسية
ورياحك كمان عاصية
وموجك بيطوينا
عنينا أوجعنا
وكتبنا بدموعنا
ولا الثناء سعنا
وكل الهجاء لينا
يافرحة مين قالك
إن إحنا مانستهلك
ولا إحنا ليكي حبايب
ولا من بقيت أهلك
يافرحة أقسم لك
لوقلبي مقسوملك
ماحتندمي عمرك
بس إنتي حسينا
خدينا مع ناسك
وأعيش لك كما الناسك
بإيدي الشموع ماسك
تنور ليالينا
وأطلعلك لو إنتي فوق
وأقولك بكل الذوق
يافرحة خلينا بدفتر العشاق
نمضى بأسامينا
يافرحة لوظنك
حانصبر علي ضنك
ومافيش دلال منك
يبقي العيوب فينا
حاأكتب بأشعاري
ولا أخبي ولا أداري
وأبقي ورينا
حاأكشف عوار أصلك
وأقفل بيبان فصلك
وأنزع حزام خصرك
وأكسر الزينه
وغيبي ماتعدي
وجنبي لاتهدي
ولو أنادى ماتردي
وسيبي الدموع لينا
وشكرا لمن قالك
إن إحنا مانستهلك
ولاإحنا ليكي حبايب
ولا من بقيت أهلك
٠٠٠٠٠٠٠٠٠٠٠٠٠٠
ابراهيم علي
ليست هناك تعليقات:
إرسال تعليق