دنيا فالصو مالهاش
أمان
دنيا فالصو ملهاش أمان
تبات شبعان تصبح
جعان
والنهارده معاك فلوس
وبكره هتكحل ناموس
وتمد إيدك للغموس
طالب مساعدة الجيران
وتنام سليم على
فرشتك جامد ولسة
بصحتك
الصبح تلاقي مخدتك
غرقانة في بحوردمعتك
همدان ومش قادر تقوم
وفي ثانية تروح في
خبر كان
هي دنيا بألف وش
وكل حنانها هزار وغش
لا بتهش ولا بتنش
ولا بتريح يوم تعبان
مش قلتلك دنيا فالصو
ملهاش عزيز ولا أمان
وكله كوم والصحة كوم
هي الصحبة والخلان
آه لو تعبت ونمت يوم
كل الوشوش حواليك
هتبان
والربيع يقلب حسوم
والحَمل تلاقيه تِعبان
إصحى ياعم الحج
وفوق ولا تتعشم في
الإنسان
وخلي الصحة دايمافوق
واسأل أي مريض تعبان
هيقولك طز في أي
حقوق
من غير صحة انت
الخسران
هي المال والجاه
والعزوة
صدقني من غير صحة
ماتسوى
ولو عندك مليون فدان
الكاتب
محمد أبو الحسن
4.11.2021
ليست هناك تعليقات:
إرسال تعليق