الحيطان بودان
بين الناس كلام.
بالعيون يمكن
باللسان ممكن
ألف حكاية وقصة
حاكاها المكان
أصل الحيطان
ليها ودان
وصوت بيرن ويسري
والاه شرخت الجدران
خرج الصوت صدى
مبحوح سمع صداه الجيران
الكل قال آه ودمع العيون
حيران
انكشف ظهره الغلبان والجلاد
أبكم أصم بيجلد بنار الحرمان
وسكه وحله وأيام كحله
والحزن متشفى متعلق
على البيبان
اللى راح بعيد علشان يبل
الريق رجع ريقو حطب عطشان.
على مرمى البصر طوابير
قولت اقرب زحمة ناس كتير
سألت ايه الحكايه قالو
غنى وفقير
الغنى فى الاستراحه ييقبض
ويشرب عصير
وهنا فى الشارع مكان الفقير
قطر يدهسو مرض يلهفو
ويشرب المر قناطير
قولت طب مش حرام
الف ايد سدت خشمى
قالو اسكت يابنى اياك
تكتر فى الكلام
اصل الحطان ليها ودان
قولت ياناس دى مش عيشه
يومين ويعدو وهى عيشه
والسلام
طب عليكو ياخلق بكام
صاحب الصبر دجر وجبر وخلاص
قفل الدكان
والشرطجى بقى بلطجى
والحرامى صبح سجان
قالو
اسكت يابنى خليها تعدى دى
الايام
ما مات الحق وتعملو فى الساحه
صوان
الكاتب
أشرف أبو شريف
8.11.2021
ليست هناك تعليقات:
إرسال تعليق