قبل ما تمدي أيديكي
بالسلام و تودَّعي
شُفت ف عينيكي كلام
قال ان بكرة هاترجعي
رعشة أيديكي ف السلام
نظرة حزينة مخبياها
ف الابتسام
نبرة غريبة مغيَّرة
طعم الكلام
خطوة ومش عارفة الطريق بعدي
ناوية صحيح ولَّا أنتي بتعاندي
لن كان دواكي ف الهوى بُعدي
هامِد أيدي بالسلام وهاودَّعِك
وان يوم هواكي رجَّعِك
أن كان فراقي يوجَعِك
مش ها تلاقيني
لأني مقدرش أخدعِك
أو تخدعيني
رُحتي ف طريق لا يوصَّلِك ولا يلتقيني
تاهت سنينك جوَّه ذكرى وضيّعِك شوقي وحنيني
الكاتب
حسام بخيت
29.11.2021
ليست هناك تعليقات:
إرسال تعليق