قصة حلم
بتهرب مني وبتبعد بعيد
فاكر أن دي نهاية الطريق
خايف من الفراق؟ فاكره أكيد
وتبقى في يوم وحدك غريق
ناسي يا صاحبي اللي كان
وناسي ان دي قصة صديق
ناسي الذكرى اللي ما بينا
ما ينهيها حتى الحريق ..
ذكرانا مش حكاية كل يوم
دي قصة كتبتها الايام ..
اتحفرت في قلوبنا وسط الدم
ما تتنسب للأوهام ..
دي حكاية عمر وقصة حلم
باقية لألف جيل وألف عام ..
حلمنا مش مجرد حلم
او فكرة جديدة في فيلم
ده عهد صديق
حلف ليوفي العهد
وأبدا عمره ها هينسى الوعد
ها يرجع يوم وينهي البعد
وبأمانيه ينسى الهم ..
ومش عشان ها تفرق بينا السنين
يتخنق شوقنا في عنينا والحنين
حلمنا باقي جوانا بأحلى رنين
وها نعيش على الذكرى
ليوم ما تاني نعود ً
ما هو طبعا أكيد .. أكيد ..
هنتلاقى ومن تاني نعود
يمكن نبعد او نتوه
لكن ما ها يفرقنا شئ لنهاية الوجود
ما احنا زمان ..
قصتنا .. حكايتنا ..
كتبناها وعهدنا بيها للخلود ..
الكاتبة
سهام العدوي
5.10.2021
ليست هناك تعليقات:
إرسال تعليق