٠٠ { تاهتْ عبلة } ٠٠
تاهتْ عبلة
وسط الخلق بقالها زمان
وعنتر داير
يسألُ عنها وجاله جنان
يكتبُ شعر
ويوصفُ عبلة بكل قصيدة
وكل حروفه
من غير إبداع او حاجة جديدة
ويجمع كل
محاسن حوا بس فى عبلة
ويعيش ادم
ولجل عيونها اخترع الطبلة
وحب الرقص
والشخاليل ومسك العود
وغنوة وحيدة
ليل ونهار عبلة الحلوة امتى تعود
عنتر شايف
كل النسوة جمالهم فاني
وجمال عبلة
كل ماتكبر يرجع تاني
وينام يحلم
ويقوم يحلم وكأن الواقع مش موجود
ورهن عمره
بعودة عبلة فى يوم موعود
قالوا ياعنتر
اصلب طولك واركب فرسك
وامسك سيفك
وارفع صوتك وبلاش خرسك
قال مش راجع
ليكم عنتر الا معاها
ومافيش واحدة
حاتسكن قلبى الا سواها
وبعد سنين
وعنتر حابب عيشة الضلمة
رجعت عبلة
وماسكة فى ايدها زجاجة خمرة
عنتر شافها
وطار من الفرحة وخدها فى حضنه
ضحكت عبلة
وقالت كلمة بس فى ودنه
عنتر ثار
ويسب ويشخط فى الحاضرين
دى مش عبلة
انتوا قلولى دي تطلع مين
كانت الحكمة
وكان العقل كله فى عبلة
تاهت منى
ووقت مارجعت رجعت هبلة
--------------
✍الكاتب🌸
ابراهيم علي
31/10/2021
رووعاتك..💐
ردحذف