لبنان..يا لبنان
لبنان يا لبنان يا غالي
أغلى من وجودي ومن حالي
سبحان الله الخالقك شلال
شلال من أنوار بتلالي
بخيطان نور العا كتافك شال
التفت ولفت وجك بهالي
تا صرت حالي عايشي بالبال
حالي بشوف بحالها حالي
وأرزك الشامخ عا كتاف جبال
جبال يللي بعدها جبالي
أرز اللي منو أحيرامك شال
أخشاب هيكل ربنا العالي
لبنان يا لبنان لولا سال
دم بعض ولادك الغالي
رح قول كلمي وقول ابنك قال
هالدم بدو ينبت من جديد
أرزي بغابة أرز الشمالي
✍الكاتب🌸
المحامي د٠ يوسف الدباك جعجع/ لبنان٠٠٠
1/11/2021
ليست هناك تعليقات:
إرسال تعليق