زمن الجواب
افتحْ كتاب اقفلْ كتاب
سلمْ ورقتك انتهى
زمن الجواب
شوف النتيجة
والحساب
وقت الاجابة كان
مناسب
واللي انت غلطان
فى الحساب
راجع كتابك
طب بس شوف
الصحف
صوت وصورة
زمن حتى الولادة الممات
والشهود من اصل نفسك
ايدك ورجلك
و حواسك
حتى جلدك
حتى قرينك
كل ده جاهز يوقع
ع اللي شافه
كان عليك أو معاك
نبدأ بأيه بالصلا
واللي الزكاة
والصيام إخباره ايه
والحج طبعا والجهاد
كل ده له ألف فرع
والف بند والف باب
صلة الرحم ووالولاد
وابوك وامك والزوجة
طبعا واللسان والجيران
والصغائر والكبائر
واللمم والذنوب الحسنات
طب والحقوق والظروف
وقذف حتى المحصنات
والتنصت والنظر
والحرام والحلال ف الكلام
قبل دا كله كمان
العقيده اخبارها ايه
والاعتقاد والأسماء
والصفات
واليقين والظن
فى الله الكريم
اوعاك تخاف
وانت بتعبد
ارحم رحيم
راح يجبر النقص
اللي عندك
ويزودك ف الميزان
هوه الكريم والشفاعة
راح تطولك
ويقبل دعوة حبيبك
النبي العدنان
هوه مش راح يسيبك
الا وانت في الجنان
ياله شمر عن سواعدك
وابدا التوبه النصوح
واللي فاضل من حياتك
أجبر العجز اللي فات
والقبول ده شيء اكيد
شرط العمل
مايكون معاه اي شريك
خلي اخلاصك تملي
هوه عنوان الحياة
الكاتب
وحيد على الجمال
28/4/2021
روووعاتك استاذ...سلمت الانامل💐🌺💐
ردحذف