زوجتي العزيزة شكرا
جمع غصون الشجر
واعمل طريق للشمس
بكره الشروق يتولد
من كلمة طلعت همس
ارمِ شيباك الامل
على حلمك المجروح
مهما يكون الوجع
بكره الالم بيروح
اوعي الدموع تغلبك
قبل ما تفتح باب
مكتوب على سكتك
انك من الاغراب
ياليل انا فى كدبتك
عايش ببيع الصبر
يمكن من الاحزان
تطلع بلاد الفجر
بين الشوارع فارد
فارد شتا بعدك
مختوفة أشواقي
هربانة من حضنك
وبدوب انا وقلبي
إن جت فى يوم سيرتك
ماانا اصلي مش واخد
ابدا على بعدك
صالب انا حيلي بتحدي
فيك نفسي
شكلي ومن بره
يدي على جامد
لكني من جوهرة
موجوع على حالى
مفيش على لساني
الا حروف إسمك
ياسكنه احلامي
وشمك على قلبي
وحشاني وانا ضمك
جوه شراييني
وبدمي بكتبلك
ع العهد انا باقي
تتبدل الايام
وتزيد في أوجاعي
وانت كما انت
روح الهوي باقي
أوقات بيلمسني
طيفك إذا مرت
صورتك باشواقي
وبحس انفاسك
سكنه بأنفاسي
عايش انا جواك
واللي انت جوايا
يافرح متحوش
جوا دواويني
أنسي بقي جرحي
وتعالي واحميني
غرقان قصتنا
والعقده في لساني
كل ماقول بكره
هسرق من امبارح
ضحكة شبه قلبك
ارسمها في كتابي
تسبقني تنهيده
مبحوحه فى صدري
لسه وجع جرحك
شابك باحزاني
الكاتب
وحيد على الجمال
سرس الليان محافظة المنوفية جمهورية مصر العربية
29/4/2021
ليست هناك تعليقات:
إرسال تعليق